Крест, молитвы, стихиры

Статьи

Как сильное оружие на демонов, 90-й псалом испытан многими поколениями христиан.

Живый в помощи Вышняго, в крове Бога Небеснаго водворится. Речет Господеви: Заступник мой еси и Прибежище мое, Бог мой, и уповаю на Него. Яко Той избавит тя от сети ловчи, и от словесе мятежна, плещма Своима осенит тя, и под криле Его надеешися: оружием обыдет тя истина Его. Не убоишися от страха нощнаго, от стрелы летящия во дни, от вещи во тме преходяшия, от сряща, и беса полуденнаго. Падет от страны твоея тысяща, и тма одесную тебе, к тебе же не приближится, обаче очима твоима смотриши, и воздаяние грешников узриши. Яко Ты, Господи, упование мое, Вышняго положил еси прибежище твое. Не приидет к тебе зло, и рана не приближится телеси твоему, яко Ангелом Своим заповесть о тебе, сохранити тя во всех путех твоих. На руках возмут тя, да не когда преткнеши о камень ногу твою, на аспида и василиска наступиши, и попереши льва и змия. Яко на Мя упова, и избавлю и: покрыю и, яко позна имя Мое. Воззовет ко Мне, и услышу его: с ним есмь в скорби, изму его, и прославлю его, долготою дней исполню его, и явлю ему спасение Мое.
Расшифровка 90-го псалма.
Этот псалом был написан пророком Давидом, как считают исследователи, по случаю избавления от трехдневной моровой язвы. У евреев он не был надписан. В греческой Псалтири он имеет название, указывающее, как на автора, так и на характер этого псалма – Хвалебная песнь Давида. Главная тема псалма: Бог есть Заступник и надежное прибежище всех уповающих на Него. Эту священную песнь отличает возвышенность мысли, горячая вера, живость чувства, яркость образов и поэтичность языка. В отличие от других псалмов, он имеет сложное построение

- Живый в помощи Вышняго. В крове Бога небесного водворится. Святитель Афанасий Великий изъясняет: «Пророческий дух ублажает человека, т. е. того, кому помощь и nocoбиe Христос, Который есть Вышний. И не блажен ли, кто сподобился иметь Покровителем Бога небесного?».

- Речет Господеви: заступник мой еси и прибежище мое, Бог мой, и уповаю на Него.

В стихах 3 – 13 раскрывается главная мысль псалма.
- Яко Той избавит тя от сети ловчи… В еврейском тесте: от сети птицелова. Образ этот часто встречается в Библии для выражения опасности, которой надо особо остерегаться, потому что она является скрытой: Душа наша избавилась, как птица, из сети ловящих (Пс.123:7); как птицы запутываются в силках, так сыны человеческие уловляются в бедственное время (Еккл.9:12).

- … и от словесе мятежна , т.е. злословия, клеветы.

- Плещма Своима осенит тя, и под криле Его надеешися….
Плещма – значит плечами. В еврейском тесте ebrah – крыло больших птиц. Вспоминаются слова Спасителя: Иерусалим, Иерусалим … сколько раз хотел Я собрать детей твоих, как птица собирает птенцов своих под крылья, и вы не захотели! (Мф.23:37).

- оружием обыдет тя истина Его. Оружием – значит щитом. Под истиной понимается верность Бога Своим обетованиям.

- Не убоишися от страха нощнаго…, т.е. от всего, что может устрашать ночью: бесов, убийц, воров.

-… от стрелы летящия во дни . Имеется в виду, как буквальный, так и метафорический смысл: у восточных народов моровая язва иногда сравнивается со стрелой, потому что ее нельзя остановить.

-… от вещи во тьме преходящия, от сряща и беса полуденнаго . По толкованию святителя Афанасия Великого: «бесом полуденным называет духа лености».

- Падет от страны твоея тысяща, и тьма одесную тебе, к тебе же не приближится . Цифры ­тысяча и 10 тысяч (тьма) символически означает необыкновенно большое количество нападающих. Однако от всех их защитит Господь праведника.

- обаче (только) очима твоима смотриши, и воздаяние грешников узриши. Значит: будешь только смотреть очами и видеть наказание грешников. Святитель Афанасий Великий пишет: «Не потерпишь, говорит, ни малого вреда от злоумышляющих, увидишь же падение врагов твоих».

- Не приидет к тебе зло, и рана не приближится телеси твоему : яко Ангелом Своим заповесть о тебе, сохранити тя во всех путех твоих .
- На руках возмут тя, да не когда преткнеши о камень ногу твою : на аспида и василиска наступиши, и попереши льва и змия. По изъяснению святителя Афанасия Великого: «Словом «нога» означает душу, а словом «камень» – грех». Господь наш Иисус Христос апостолам и всем имеющим непоколебимую веру, обещал: се, даю вам власть наступать на змей и скорпионов и на всю силу вражью, и ничто не повредит вам (Лк.10:19).
- Яко на Мя упова, и избавлю и (его): покрыю и, яко позна имя Мое .
- Воззовет ко Мне, и услышу его: с ним Есмь в скорби, изму его, и прославлю его: долготою дний исполню его, и явлю ему спасение Мое. Святитель Афанасий Великий говорит: «А спасение это – сам Господь наш Иисус Христос, Который вводит нас в новый век, предуготовляет нас к воцарению с Ним».

Стихиры Кресту.
1. Иже Крестом ограждаеми, врагу противляемся, не боящеся того коварства, ни ловительства: яко бо гордый упразднися и попран бысть на древе силою распятого Христа.
2. Крест Твой Господи освятися: Тем бо бывают исцеления немощствующим грехми сего ради к Тебе припадаем, помилуй нас.
3. Господи, оружие на диавола Крест Твой дал еси нам трепещет бо и трясется, не терпя взирати на силу его яко мертвыя восставляет, и смерть упраздни.Сего ради покланяемся погребению Твоему и востанию.

Тропарь, глас 1
Спаси, Господи, люди Твоя и благослови достояние Твое, победы православным христианом на сопротивныя даруя и Твое сохраняя Крестом Твоим жительство.

Перевод на русский язык:Спаси, Господи, людей Твоих и благослови наследие Твоё, победы верным над неприятелями даруя и Крестом Твоим сохраняя народ Твой.

Кондак, глас 4
Вознесыйся на Крест волею, тезоименитому Твоему новому жительству, щедроты Твоя даруй, Христе Боже, возвесели силою Твоею верныя люди Твоя, победы дая нам на сопостаты, пособие имущим Твое оружие мира, непобедимую победу.
Перевод на русский язык: Вознесенный на Крест добровольно, соименному Тебе новому народу милости Твои даруй, Христе Боже; возвесели силою Твоею верных людей Твоих, подавая нам победы над врагами,
в помощь имеющим от Тебя, оружие мира, непобедимую победу.

Величание.
Величаем Тя, Живодавче Христе, и чтем Крест Твой Святый, имже нас спасл еси от работы вражия.

Радуйся живоносный Кресте, благочестия непобедимая победа, дверь райская, верных утверждение, Церкве ограждение, имже тля разорися и упразднися, и попрася смертная держава, и вознесохомся от земли к небесным, oружие непобедимое, бесов сопротивоборче: слава мучеников, преподобных яко воистинну удобрение: пристанище спасения, даруяй миру велию милость.

Приидите вси языцы, благословенному Древу поклонимся, имже бысть вечная правда: праoтца бо Адама прельстивый древом, Крестом прельщается, и падает низвержен падением странным, мучительством одержавый царское здание. Кровию Божиею яд змиев отмывается, и клятва разрушися осуждения праведнаго, неправедным судом Праведнику осуждену бывшу: Древом бо подобаше древо исцелити, и страстию Безстрастнаго, яже на Древе, разрешити страсти осужденнаго, но слава Христе Царю, eже о нас Твоему мудрому смотрению, имже спасл eси всех, яко Благ и человеколюбец.

Насажденное в Краниеве месте, Древо сущаго живота, на немже содела спасение Превечный Царь посреде земли, возносимо днесь, освящает мира концы, и обновляется воскресения дом: радуются ангели на небеси, и веселятся человецы на земли, Давидски вопиюще, и глаголюще: возносите Господа Бога нашего, и поклоняйтеся подножию ногу Eго, яко свято eсть: подаяй миру велию милость.

Прообразуя Крест Твой Христе, патриарх Иаков, внуком благословение даруя, на главах пременeны руки сотвори. Eгоже Спасе, мы днесь возносяще взываем: даруй христолюбивым людем победы, яко Константину одоление.

Радуйся, Господень Кресте, имже разрешися от клятвы человечество, сущия радости знамение, прогоняяй враги во твоем воздвижении всечестне, нам помощниче: царей державо, крепость праведных, священников благолепие, воображаемый, и лютых избавляяй, жезл силы, имже пасемся: oружие мира, eгоже со страхом обстоят ангели: Христа Божественная слава, подающаго миру велию милость.

Радуйся слепых наставниче, немощных врачу, воскресение всех умерших, воздвигнувый ны во тлю падшия, Кресте честный: имже разрушися клятва, и процвете нетление: и земнии обожихомся, и диавол всеконечно низвержеся. Днесь воздвизаема тя видяще руками архиерейскими, возносим Вознесеннаго посреде тебе, и тебе покланяемся, почерпающе богатно велию милость.

Егоже древле Моисей прообразовав собою, Амалика низложив победи: и Давид песнопевец, подножию Твоему, вопия, кланятися повелеваше, честному Кресту Твоему Христе Боже, днесь грешнии кланяемся. Устнами недостойными, Тя изволившаго пригвоздитися на нем, воспевающе, молимся: Господи, с разбойником Царствия Твоего сподоби нас.

О преславнаго чудесе! Живоносный сад, Крест пресвятый, на высоту возносим является днесь: славословят вси концы земнии, устрашаются демонския полки. О каковый дар земным даровася, имже Христе спаси души наша, яко Eдин Благоутробен. [Дважды.]

О преславнаго чудесе, яко грозд исполнен живота, понесый Вышняго, от земли воздвизаем Крест видится днесь, имже вси к Богу привлекохомся, и пожерта бысть до конца смерть. О Древо пречестное, имже восприяхом во eдеме безсмертную пищу, Христа славяще.

О преславнаго чудесе, широта Креста и долгота небеси равна eсть: яко Божественною благодатию освящает всячeская. О сем языцы варварстии побеждаются, о сем скиптры царей утверждаются, о божественныя лествицы, eюже восходим на небеса, возносяще в песнех Христа Господа.

Крест, хранитель всея вселенныя: Крест, красота Церкве: Крест, царей держава: Крест, верных утверждение: Крест, ангелов слава, и демонов язва.

Днесь Владыка твари, и Господь славы, на Кресте пригвождается, и в ребра прободается, желчи и оцта вкушает, Сладость церковная: венцем от терния облагается, Покрываяй небо облаки, одеждею облачится поругания: и заушается бренною рукою, рукою Создавый человека. По плещама биен бывает, Одеваяй небо облаки: заплевания и раны приемлет, поношения и заушения, и вся терпит мене ради осужденнаго, Избавитель мой и Бог, да спасет мир от прелести, яко Благоутробен.

Днесь неприкосновенный существом, прикосновен мне бывает, и страждет страсти, свобождаяй мя от страстей: свет подаваяй слепым, от беззаконных устен оплевается, и дает плещи за пленeнныя на раны. Сего Чистая Дева и Мати на Кресте зрящи, болезненно вещаше: увы Мне Чадо Мое, что сие сотворил eси? Красный добротою паче всех человек, бездыханный, беззрачный являешися, не имея вида, ниже доброты. Увы Мне Мой свете, не могу спяща зрети Тя, утробою уязвляюся, и лютое oружие сердце мое проходит: воспеваю Твоя страсти, покланяюся благоутробию твоему. Долготерпеливе Господи, слава Тебе.

Кресте Христов, христиан упование, заблуждших наставниче, обуреваемых пристанище, в бранех победа, вселенныя утверждение, недужных врачу, мертвых воскресение, помилуй нас.

Молитвы Честному и Животворящему Кресту Господню

Молитва первая

Кресте Честный, хранитель души и телу буди ми: образом своим бесы низлагая, враги отгоняя, страсти упражняя и благоговение даруя ми, и жизнь, и силу, содействием Святаго Духа и честными Пречистыя Богородицы мольбами. Аминь.

Молитва вторая

О Пречестный и Животворящий Кресте Господень! Древле убо был еси казни позорныя орудие, ныне же знамение спасения нашего присно почитаемое и прославляемое! Како достойне возмогу аз, недостойный, воспети Тя и како дерзну преклонити колена сердца моего пред Искупителем моим, исповедая грехи свои! Но милосердие и неизреченное человеколюбие Распеншегося на тебе смиренное Дерзновение подает ми, да отверзу уста моя воеже славити Тя; сего ради вопию Ти: радуйся, Кресте, Церкве Христовы красота и основание, всея вселенныя — утверждение, христиан всех — упование, царей — держава, верных — прибежище, Ангелов — слава и воспевание, демонов — страх, губительство и отгнание, нечестивых и неверных — посрамление, праведных — услаждение, обремененных — ослаба, обуреваемых — пристанище, заблудших — наставниче, одержимых страстьми — раскаяние, нищих — обогащение, плавающих — кормчий, слабых — сила, во бранех — победа и одоление, сирых — верное покровение, вдов — заступниче, дев — целомудрия охранение, ненадеянных — надежда, недужных — врач и мертвых — воскресение! Ты, прообразованный чудотворящим жезлом Моисея, животворный источник, напаяющий жаждущия духовныя жизни и услаждающий наши скорби; Ты — одр, на немже царственно почил тридневно Воскресший Победитель ада. Сего ради и утро, и в вечер, и полудне прославляю Тя, треблаженное Древо, и молю волею Распеншегося на Тебе, да просветит Он и укрепит Тобою ум мой, да открыет в сердце моем источник любве совершенней и вся деяния моя и путие мои Тобою осенит, да выну величаю Пригвожденнаго на Тебе, грех моих ради, Господа Спасителя моего. Аминь.

Да воскреснет Бог, и расточатся врази Его, и да бежат от лица Его ненавидящии Его. Яко исчезает дым, да исчезнут; яко тает воск от лица огня, тако да погибнут беси от лица любящих Бога и знаменующихся крестным знамением, и в веселии глаголющих: радуйся, Пречестный и Животворящий Кресте Господень, прогоняяй бесы силою на тебе пропятаго Господа нашего Иисуса Христа, во ад сшедшаго и поправшаго силу диаволю, и даровавшаго нам тебе Крест Свой Честный на прогнание всякаго супостата. О, Пречестный и Животворящий Кресте Господень! Помогай ми со Святою Госпожею Девою Богородицею и со всеми святыми во веки. Аминь.